Contido: Esta orde ten por obxecto regular as probas para a obtención do título de bacharel para persoas maiores de vinte anos na Comunidade Autónoma de Galicia.

 Requisitos que deben reunir os participantes.

a) Ser maior de 20 anos ou cumprir esa idade no ano natural en que se vai realizar a proba.

b) Non estar en posesión do título de bacharel ou de calquera outro título declarado equivalente para os efectos académicos.

c) Non estar a cursar ensinanzas de bacharelato en ningunha das súas modalidades ou réximes nin ter estado matriculado nesas ensinanzas no curso escolar en que se realicen as probas.

Convocatorias.

A Dirección Xeral de Educación, Formación Profesional e Innovación Educativa realizará unha ou máis convocatorias anuais destas probas, cando as circunstancias así o aconsellen. A convocatoria ou as convocatorias, os centros onde se realizarán as probas, os prazos de matrícula e as datas de exame serán determinados anualmente mediante resolución desta dirección xeral. A mesma dirección xeral poderá realizar convocatorias extraordinarias para a obtención do título de bacharel en datas e lugares diferentes, cando existan colectivos específicos cuxas circunstancias o xustifiquen.

Inscrición nas probas.

Os aspirantes presentarán as súas solicitudes de inscrición nos centros, prazos e termos establecidos na resolución anual de convocatoria e irán dirixidas á persoa titular da Dirección Xeral de Educación, Formación Profesional e Innovación Educativa. A identidade dos aspirantes quedará acreditada mediante un destes procedementos:

a) Mediante a consulta por medio telemático ao servizo horizontal de acceso ao sistema de verificación de datos de identidade realizada polo órgano autorizado da Administración. Para iso, o interesado prestará o seu consentimento expreso.

b) No caso de que o/a interesado/a non prestase o dito consentimento, poderáselle exixir que presente a fotocopia do documento de identidade correspondente.

c) Para persoas con nacionalidade diferente á española, fotocopia compulsada do pasaporte ou calquera outro documento legalmente recoñecido que acredite suficientemente a identidade e a idade do aspirante.

Xunto coa solicitude presentarase a documentación requirida.

O aspirante indicará na solicitude o exercicio ou os exercicios en que se inscribe, a lingua estranxeira de que se examinará, podendo elixir entre francés e inglés, e a modalidade e opcións elixidas.

Persoas con necesidades educativas especiais.

As persoas con necesidades educativas especiais asociadas a condicións persoais de discapacidade que teñan a declaración legal de discapacidade poderán solicitar a adaptación dos procedementos e do tempo de realización da proba, así como recursos adicionais para a desenvolver.

Exención de lingua galega.

As persoas aspirantes que cumpran as condicións previstas no artigo 18.1 do Decreto 79/2010, do 20 de maio, para o plurilingüismo na ensinanza non universitaria de Galicia, e na normativa que o desenvolva poderán solicitar, no momento da súa inscrición ás probas, a exención da materia de Lingua galega e literatura (I e II). O director ou a directora do centro onde realice a inscrición das probas, de conformidade co artigo 19.2 do mencionado decreto de pluringüismo, resolverá sobre a concesión ou denegación da exención e comunicará esta circunstancia á presidencia do tribunal correspondente.

Estrutura da proba.

A proba organizarase de xeito diferenciado segundo as distintas modalidades de bacharelato. A proba constará de dous exercicios, o primeiro deles dedicado ás materias comúns e o segundo, ás materias de modalidade. Os contidos dos exercicios terán como referente os aspectos básicos do currículo recollido no Decreto 126/2008, do 19 de xuño, polo que se establece a ordenación e o currículo do bacharelato na Comunidade Autónoma de Galicia. O primeiro exercicio, que versará sobre as materias comúns establecidas no artigo 6 do mencionado decreto, terá como obxectivo valorar a madureza intelectual e a formación xeral do aspirante naquelas competencias que favorecen a aprendizaxe ao longo da vida.

Será común para as diferentes modalidades e estruturarase en catro partes:

a) Primeira parte. Lingua galega e literatura.

b) Segunda parte. Lingua castelá e literatura.

c) Terceira parte. Lingua estranxeira.

d) Cuarta parte. Resposta por escrito a unha serie de cuestións relativas aos contidos das materias de Ciencias para o mundo contemporáneo, Filosofía e cidadanía, Historia da filosofía e Historia de España. O segundo exercicio, diferente para cada unha das modalidades, versará sobre as materias de modalidade establecidas no artigo 7 do Decreto 126/2008, do 19 de xuño, polo que se establece a ordenación e o currículo do bacharelato na Comunidade Autónoma de Galicia.

Superación da proba.

A proba considerarase superada cando se superen os dous exercicios que a compoñen. A nota media de bacharelato daquelas persoas que superen a proba será a media aritmética das puntuacións dos dous exercicios, expresada con dous decimais, redondeada á centésima máis próxima e, en caso de equidistancia, á superior.

Superación parcial da proba.

Os aspirantes que teñan superadas as materias comúns de bacharelato terán validado o primeiro exercicio. Neste caso, a nota do exercicio será a media de todas as materias comúns expresada con números enteiros, redondeada á unidade máis próxima e, en caso de equidistancia, á superior. Os aspirantes que estean en posesión do título profesional de música ou danza terán validado o segundo exercicio. O alumnado que accedese directamente ao segundo de bacharelato por ter superados estudos equivalentes para efectos académicos ao primeiro de bacharelato e tivese superadas as materias comúns de segundo curso terá validado o primeiro exercicio. No caso de non ter superaren a proba, os candidatos manterán, para as sucesivas convocatorias, a cualificación do exercicio aprobado.

Máis información: DOG 21 Febreiro 2012

 Esta iniciativa parte da colaboración entre o Concello de Soutomaior e a asociación TADEGA (Tecnoloxías de Atención á Diversidade na Educación Galega) que é un foro de profesionais maioritariamente galegos de distintos campos profesionais implicados na Educación e, dun xeito especial, na Atención á Diversidade, é dicir: A discapacidade. A multiculturalidade. O mundo do maior. O mundo rural. As altas capacidades.A marxinalidade social..., etc. coa finalidade de achegar as TICS a todas as persoas e rachar as fendas dixitais.

Os obxectivos deste curso son:

1. Analizar as estratexias e recursos que favorezan o desenvolvemento persoal e escolar dos nenos e nenas con necesidades específicas.

2. Coñecer as posibilidades que ofrecen as novas tecnoloxías na atención á diversidade a través da súa manipulación.

Temporalización: 10 horas.

Datas: 3, 10 e 17 de marzo, en horario de 10:00 a 13:30.

INSCRICIÓN e lugar de realización: na OMIX, r/ Peirao, 8 – 36690 – Edificio Multiusos Arcade – Concello de Soutomaior – Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo , www.soutomaior.com/xuventude

O prazo de inscrición remata o mércores 29 de febreiro ás 14 h

Prazas: 16

Custe: empadroados /as: de balde // non empadroados/as: 15 €

Persoas destinatarias:profesores/as, mestres/as, educadores/as, ANPAS, familias e público en xeral interesado no tema.

Contidos do curso:

SESION 1: 3 MARZO

Que é TADEGa ?

Ferramentas: ordenadores táctiles, tablets, comunicadores dixitais...

Exemplos prácticos da súa utilidade: emprego para comunicación diaria en diferentes contextos, como axenda, organizador... (INTIC, Picaa) TADEGa net Banco de recursos TADEGa, ARASAAC en galego e Araword

SESION 2 : 10 MARZO

Configuración de taboleiros de comunicación.

Boardmaker e o In-Print.

Experiencias de usuario de emprego de comunicadores

Atrancos na recompilación de imaxes pictográficas para a comunicación

SESION 3: 17 MARZO

Recursos e ferramentas TIC: recursos para facerse con imaxes, sons, vídeos, fotos, etc., e programas para a creación de actividades (LIM, p.e.)