content top

Aberta inscrición para “Artistas na Rúa 2017”...

Aberta inscrición para “Artistas na Rúa 2017”
  Nesta edición de “Artistas na Rúa” , serán sete os autores que amosarán  o seu proceso creativo , o sábado 29 de abril , de 16.30 a 20.30 h. na praza da Ferraría de Pontevedra O proceso de inscrición xa está aberto e  remata o 24 de marzo. Inscríbete a través do correo electrónico mrxestioncultural@gmail.com Os proxectos escollidos (que han de ser visuais) contarán cun contrato durante as catro horas de traballo creativo por 162 € e unha achega de 50 € para material. Artistas na Rua é un programa no que colaboran o Concello de Pontevedra ,  a facultade de Belas Artes da Uvigo e a empresa MR Xestión Cultural Comparte en...

Concurso do Local de Música, FEST 2017

Concurso do Local de Música,  FEST 2017
O Local de Música do Concello de Pontevedra organiza o concurso FEST para promover a escena musical emerxente. Busca poñer en valor a creación musical de base organizando un evento nun espazo emblemático da cidade como é o Teatro Principal. EN QUE CONSISTE O CONCURSO O concurso consiste nun concerto que se celebrará o sábado 11 de marzo de 2017 no Teatro Principal de Pontevedra. Oito grupos seleccionados previamente por un xurado cualificado e representativo, farán unha actuación breve para mostrar o seu espectáculo. Un xurado concederá un dos premios que consiste na gravación dun videoclip cunhaprodutora audiovisual. O público asistente votará e concederá outro premio, que consistirá nunha actuación remunerada na cidade. O festival pecharase cunha actuación dun grupo convidado. PARTICIPACIÓN. Poderán participar todas aquelas bandas ou solistas con compoñentes con idades entre os 16 e 35 anos que non teñan, no momento da inscrición, ningunha publicación cun selo discográfico. INSCRICIÓN Do 1 de febreiro ao 28 de febreiro de 2017 ás 22 h. BASES Formulario de inscrición   Comparte en...

V Certame de Relato Curto

V Certame de Relato Curto
Fomentar a creatividade no alumnado, potenciar a expresión e comprensión escrita, estimular o uso do galego nas familias, facilitar as posibilidades de publicación a novos creadores/as, apoiar os escritores/as noveis e afeccionados/as e crear un espazo común e familiar para a creación literaria. Son os obxectivos que hai detrás da convocatoria do V Certame de Relato Curto que promove a FANPA-Pontevedra e no que colabora o Concello e a Deputación de Pontevedra  xunto a editorial Kalandraka. O prazo para a entrega de relatos rematará o próximo 28 de febreiro. Poden presentarse os alumnos e alumnas dos centros educativos públicos da provincia de Pontevedra Hai catro categorías: Primaria, Secundaria, Bacherelato/Formación Profesional e Adultos. Díptico e Bases do Certame Comparte en...

Concurso de fotografía “Xurxo Lobato”...

Concurso de fotografía “Xurxo Lobato”
Concurso dirixido ao alumnado de Educación Secundaria, Bacharelato e Formación Profesional de Galicia cun límite de idade de 21 anos Convoca: Asociación de antigos alumnos do IES Monelos da Coruña  Características técnicas: • O tema é libre. • As fotografías poden presentarse en branco/negro ou cor. • Máximo de 3 fotografías por participante • As fotografías serán en formato dixital e só se poderán enviar por correo electrónico. • Data de entrega: antes do 10 de marzo de 2017. • Non poderán levar marcas de auga. As fotografías deben enviarse por correo electrónico a: fotomonelos@gmail.com cos datos: nome e apelidos, DNI, idade, teléfono, enderezo, centro de estudo, curso. – MANDAR OS DATOS POLO SEGUINTE FORMULARIO https://goo.gl/forms/xFjNZxAuV9qpPBKp2 5. PREMIOS 1º premio: diploma e 250 € 2º premio: diploma e 150 € 3º premio: diploma e 100 € • O xurado considerará a posibilidade de conceder accesits con premios. • Premio especial para a realización dun proxecto fotográfico baixo a dirección de Xurxo Lobato. 6. EXPOSICIÓN A organización do concurso poderá utilizar as fotografías seleccionadas e as premiadas para a súa difusión (exposicións, edicións, etc.). Comparte en...

Queres participar na 13ª edición do Play-Doc ?...

Queres participar na 13ª edición do Play-Doc ?
Play-Doc é un Festival Internacional de Documentais que se desenvolve cada ano en Tui É un festival independente cuxos principais obxectivos son achegar ao público un cinema esencial e de difícil acceso, e xerar espazos para o diálogo e o intercambio. Cada ano, Play-Doc ofrece unha coidada selección das últimas tendencias do cinema de non ficción a unha audiencia aberta, heteroxénea e numerosa. A convocatoria para participar na 13ª edición de Play-Doc, que terá lugar en Tui do 22 ao 26 de marzo de 2017, permanecerá aberta ata o 15 de xaneiro de 2017. Todos os filmes inscritos a preselección non deberán ter sido estrenadas antes de xaneiro de 2016. Todos os filmes inscritos a preselección serán considerados tanto para as categorías a competición como para as non competitivas. Será a dirección artística do festival a que realice a selección avaliando cada filme en base á súa calidade e creatividade. As películas seleccionadas a competición optarán a un premio en metálico. A inscrición deberá facerse online a través da páxina web www.play-doc.com        Comparte en...

Concurso de deseño gráfico para cartel Dia Internacional das Mulleres...

Concurso de deseño gráfico para cartel Dia Internacional das Mulleres
Concurso de deseño gráfico para a realización do cartel conmemorativo do Día Internacional das Mulleres, 8 de marzo Organiza: Instituto de la Mujer Poderán participar no concurso as/os estudiantes matriculadas/os no curso 2016/2017 en Centros Formativos nas áreas: deseño gráfico, publicidade, comunicación audiovisual e belas artes. Premios: un primer premio dotado de 3.500 € e  dous ACCESITS de 600€ cada uno. Prazo : ata o 9 de xaneiro de 2017 ás 15 h. Informa: http://www.injuve.es/convocatorias/premios/concurso-de-diseno-grafico-cartel-8-de-marzo-de-2017?platform=hootsuite#sthash.t7Uhqczv.dpuf Comparte en...

Os Premios “Ernestina Otero” xa teñen gañadoras/es...

Os Premios “Ernestina Otero” xa teñen gañadoras/es
Os premios promovidos polo Concello de Pontevedra a través da concellaría de Igualdade co fin de incorporar a perspectiva de xénero nos traballos de fin de grao e máster  do alumnado das universidades galegas. Na categoría Traballos de Fin de Grao: O impacto da Coeducación no desenvolvemento persoal. Autora: Tamara Fernández Amosa Un traballo que aporta unha boa metodoloxía e unha boa proposta de intervención partindo dun diagnóstico inicial. Existe ademais unha autoavaliación na que se recollen propostas de mellora nun campo tan prioritario de traballo como é o educativo. A Educación Afectivo-Sexual en persoas con diversidade funcional e intelectual. Autora: Bárbara Penas Rey Pola súa valentía no tema que trata poñendo o foco nunca realidade que normalmente se agacha. Visibilizando unha realidade que nos se quere ver e dando voz ás e os protagonistas fomentando a súa autonomía. Escola de Igualdade: Proxecto de formación en igualdade de xénero para o monitorado de “Noites Abertas”. Autor: Ignacio Márquez Collazos Un traballo práctico que avalía unha experiencia que xa está en marcha propoñendo vías de mellora. Metodoloxicamente utiliza o esquema Investigación-Acción-Participación dando voz as/os participantes. Na categoría Traballos de Fin de Máster As bruxas non me dan medo (o que me dá medo son os fillos de puta). O concepto“bruxa” na creación audiovisual contemporánea. Autora: Rebeca López Villar Partindo dun estereotipo aborda a bruxa como concepto, desmitificándoo e deconstruíndo o imaxinario existente para resignificalo dende unha óptica feminista. O traballo conta con contido audiovisual o que o dota dunha parte practica moi interesante para o traballo posterior. Pon de manifesto a importancia da obra artística para a difusión das mensaxes. Os traballos presentados tiñan que estar defendidos ao longo do curso 2015-2016 e súa temática tiña necesariamente que estar vencellada ao “fomento da igualdade entre homes e mulleres, facilitando a sensibilización e a participación de toda a cidadanía”.O luns 28 de novembro na Casa da Luz ( praza da Verdura) as persoas premiadas recibirán, ademais da achega económica, un diploma de mención pola presentación do seu traballo Comparte en...

VI Concurso de Fotografía “A túa visión da Ciencia”...

VI Concurso de Fotografía “A túa visión da Ciencia”
O tema das fotografías do certame será a ciencia e a tecnoloxía, co fin de fomentar a creatividade científico-artística dos estudantes e o público en xeral, mostrando a imaxe como ferramenta de traballo. Dentro da temática citada englóbanse posibilidades moi diversas como a ciencia en xeral, astronomía, alimentación, investigación, flora e fauna, clima, medioambiente, industria, comercio, transporte, etc. Poderase presentar un máximo de 2 obras por autor. Os traballos han de ser orixinais e inéditos, non sendo presentados noutros concursos e estar libres de dereitos que poidan corresponder a terceiros. As obras deberanse presentar en formato dixital, preferentemente jpg, e recoméndase: tamaño de arquivo de entre 1 e 6 MBs. Resolución non inferior a 200 ppp (puntos por pulgada). As obras presentadas poderán estar realizadas con técnica libre e irán acompañadas dun título e un breve texto explicativo obrigatorios, en castelán, referente á obtención, contido, técnicas empregadas e manipulación da fotografía. En ningún caso o texto explicativo ou o título poderán permitir a identificación do autor. Dúas categorías: 1ª categoría: Aberta. Premio de 500 € 2ª categoría: Alumnos/as de 3er ciclo de primaria, ESO, Bacharelato e ciclos formativos de Formación Profesional. Os participantes na 2ª categoría deberán ser menores de 18 anos. Premio:vale de 200 € en material escolar. Prazo: As obras poderán presentarse ata o 11 de decembro de 2016 por correo electrónico á dirección concursociencia@unedbarbastro.es achegando ademais os datos persoais do autor: nome, apelidos, DNI/NIF, data de nacemento, dirección postal, correo electrónico e teléfono de contacto. Máis información https://www.unedbarbastro.es/Default.aspx?id_servicio=22&idUnico_8=24196 Comparte en...

« Entradas antigas